Historiae mundi libri XXXVII C. Plinii Secundi. Opus omni quidem commendatione maius, sed nullis ad hunc diem editionibus, nulla cuiusquam singulari vel opera, vel industria, à mendis, quae aut temporum inquitate, aut superiorum aetatum negligentia, inter latinos primae notae scriptorem hactenus occuparunt, satis unquam purgatum: nunc vero, quanta potuit expectari fide, cura, diligentia, ex vetustissimorum excusorum et complurium codicum manuscriptorum attentissima collatione, et auctoritate, sic detersum ac emaculatum, ut ad pristinam eius integritatem et splendorem attulisse nostra haec editio post alias omnes adiumenta sanè maxima iudicari meritò possit. Accessere ad varias lectiones, quas multiplices in marginum spaciis tibi religiosissimè indicamus, & repraesentamus, castigationes & adnotationes eruditissimae, quibus infinita Plini loca cum graecis & latinis scriptoribus, illis praesertim, unde pleraque omnia sua ille sumpsit, summa cum utilitate conferuntur. Cum indice totius operis copiosissimo, additamentis rursus non poenitendis aucto, locisque propemodum innumeris, quae cum auctoris sensu non bene congruebant, accuratissimè correcto, et restituto. Omnia quidem multorum antehac doctorum hominum, novissimè verò laboriosis observationibus conquisita, & solerti iudicio pensitata, Iacobi d'Alecampii, medici, cadomensis